فوتو: عىلىم جانە جوعارى ءبىلىم مينيسترلىگى ءباسپاسوز ءبولىمى
جاس عالىمنىڭ «اۋىلشارۋاشىلىعى داقىلدارىنىڭ ونىمدىلىگىن ارتتىرۋ ءۇشىن گۋماتقۇرامداس تىڭايتقىشتاردى الۋدىڭ تەحنولوگياسىن جاساپ شىعارۋ جوباسى» قر عىلىم جانە جوعارى ءبىلىم مينيسترلىگىنىڭ جاس عالىمداردىڭ 2022-2024 جىلدارعا ارنالعان كونكۋرسىندا جوعارى باعالانىپ, گرانت ۇتىپ الدى. جوبا جاقسى ناتيجە كورسەتىپ, ءوڭىر شارۋالارىنىڭ قىزىعۋشىلىعىن تۋدىرعان.
«ەلىمىزدە اۋىل شارۋشىلىعى سالاسىندا توپىراقتىڭ قۇنارلىلىعىن ارتتىرۋ وزەكتى ماسەلە بولىپ وتىر. سوندىقتان مەن ءوز جوبامدا جيناقتالعان قالدىقتاردىڭ قۇرامىنداعى زاتتاردى ءبولىپ الىپ, قاجەتتىلىككە جاراتۋدى قولعا الدىم. ول ءۇشىن تۇركىستان وبلىسىنىڭ تولە بي اۋدانىنداعى لەنگەر كومىر كەن ورنىنىڭ قالدىقتارى زەرتتەلىپ, گۋمينقۇرامداس قومپونەنتتەردىڭ ناتيجەسىندە گۋمينقىشقىلدار الىندى. بۇل ورگانيكالىق قوسىلىستار ورگانامينەرالدى تىڭايتقىشتار ءۇشىن تاپتىرماس شيكىزات كوزى. قازىر زەرتتەۋ جۇمىستارى وڭ ناتيجە بەرىپ, ول وندىرىسكە ەنگىزىلدى. وڭتۇستىك ءوڭىردىڭ شارۋالارىمەن بىرلەسىپ, تىڭايتقىش سىناق رەتىندە قولدانىلدى. ناتيجەسىندە توپىراق قۇنارلىلىعى جاقسارىپ, ونىمدىلىك ارتتى», دەپ اتاپ ءوتتى باقىت ماتكەرىم ۇلى.
قازىرگى تاڭدا جوبا پاتەنتتەلىپ, اۆتورلىق قۇقىق الىندى. الداعى ۋاقىتتا اۋىل شارۋاشىلىعىنا قاجەتتى تىڭايتقىشتى وندىرىسكە شىعارۋ جوسپارلانىپ وتىر.
